Fara yfir á efnisvæði

Lénið hatidir.is

27.03.2014

Neytendastofa hefur tekið ákvörðun um að grípa ekki til aðgerða vegna lénsins hatidir.is.

Félagið Go Wild ehf., sem hefur gefið út Hátíðarhandbókina og heldur úti vefsíðunni hatid.is, kvartaði til Neytendastofu yfir því að annar aðili haldi úti síðunni hatidir.is sem valdi ruglingi milli fyrirtækjanna.

Í ákvörðuninni er um það fjallað að Neytendastofa telji orðið „hátíð“ svo almennt og lýsandi að Go Wild geti ekki notið einkaréttar á orðinu og því verði öðrum ekki bannað að nota það.

Ákvörðun nr. 11/2014 má lesa hér.

TIL BAKA