Heitið Bjössi 16 ekki bannað

Neytendastofu barst kvörtun frá Bjössa ehf. yfir því að keppinautur fyrirtækisins hafi skráð og noti firmaheitið Bjössi 16 ehf. Taldi Bjössi ehf. að brotið væri á rétti sínum og hætta væri á að ruglast yrði á fyrirtækjunum vegna líkinda heitanna. Starfsemi beggja fyrirtækja tengist akstri vörubifreiða.

Í ákvörðun Neytendastofu er um það fjallað að þó hluti heitanna sé hið sama telji stofnunin seinni hluta í heiti Bjössa 16 ehf. greina nokkuð á milli þeirra. Þá noti bæði fyrirtækin áberandi myndmerki á vörubifreiðum sínum og þau séu ólík, m.a. af þeirri ástæðu að í myndmerki Bjössa 16 ehf. sé megináhersla lögð á töluna 16.

Neytendastofa taldi því ekki ástæðu til að banna Bjössa 16 ehf. notkun á firmaheiti sínu.

Ákvörðunina má lesa í heild hér