Góð ráð við skoðun á vefsíðum

Neytendur eiga að sýna varfærni og varast netverslanir sem reyna að svindla á neytendum. Það geta þeir gert með því að skoða vel heimasíður sem eru að selja vörur eða þjónustu áður en þeir gera pöntun eða eiga þar viðskipti og gefa upp persónuupplýsingar.

        • Athugaðu hvort seljandi veiti nægar upplýsingar um sjálfan sig – þ.á.m. heimilisfang. 
        • Athugaðu hvort verðupplýsingar séu skýrar, svo og farðu vel yfir sölu- og afhendingarskilmála. 
        • Athugaðu hvort greiðslur séu öruggar og gerðar með tengingu þar sem notuð er dulkóðun. 
        • Kannaðu hvort að versluninn hefur aflað sér traustleikamerkis sem táknar að hún hefur skuldbundið sig til að tryggja réttindi neytenda í viðskiptum 
        • Leitaðu að nafni vefverslunarinnar á Internetinu og hvort þú finnur færslur þar um reynslu annarra neytenda af viðskiptum við hana. 
        • Notaðu Hávörð sem getur aðstoðað við könnun á áreiðanleika vefverslunar.