Fréttir og tilkynningar

Neytendastofa tók ákvörðun gagnvart Orkunni IS ehf. í september 2021 vegna fullyrðinga um lægsta og ódýrasta eldsneyti landsins. Niðurstaða Neytendastofu í málinu var að félagið hafi viðhaft villandi og óréttmæta viðskiptahætti og var félaginu bönnuð birting fullyrðinganna.

Neytendastofa hefur tekið ákvörðun gagnvart Ferðaskrifstofu Icelandia ehf. vegna auglýsinga og markaðssetningar félagsins. Auglýsingarnar lutu að fullyrðingum um kolefnishlutlausa, sjálfbæra og umhverfisvæna starfsemi, aðallega rútuferðir. Þá notaðist Icelandia einnig við orðmerki í markaðs- og kynningarefni sínu auk þess sem merkið var að finna á hluta ökutækja félagsins. Um var að ræða orðmerki með textanum „carbon neutral“ og „carbon neutral transfer“ umvafinn grænum hringjum.

Neytendastofa sektaði ÁB veitingar ehf. fyrir ófullnægjandi verðmerkingar í kjölfar skoðunar hjá seljendum og þjónustuveitendum á Selfossi. Athugasemdir stofnunarinnar snéru að því að félagið hafi ekki fylgt skyldu til að birta verðlista fyrir utan veitingastaðinn enda þurftu neytendur að skanna QR kóða til að nálgast verðupplýsingarnar.

Neytendastofa og Fjölmiðlanefnda hafa á liðnum árum kappkostað að efla samskipti og samstarf stofnananna , með það að markmiði að tryggja skilvirkt eftirlit með viðskiptaboðum á sama tíma og örar breytingar hafa orðið á auglýsingamarkaði og umhverfi fjölmiðla. Á þeim sviðum þar sem eftirlitshlutverk Fjölmiðlanefndar og Neytendastofu hefur skarast hefur verið unnið eftir ákveðinni verkaskiptingu sem leiða má af lögum.

Í dag hóf samstarfsnet neytendaverndarstofnana í Evrópu samræmdar aðgerðir gagnvart níu tölvuleikjaframleiðendum til þess að treysta réttindi neytenda í viðskiptunum.

Neytendastofa hefur tekið ákvarðanir í málum Parka Lausna ehf. og EasyPark Ísland ehf. vegna upplýsingagjafar og viðskiptahátta fyrirtækjanna í tengslum við gjaldskyld bílastæði. Í ákvörðununum komst stofnunin að þeirri niðurstöðu að brotið hafi verið gegn lögum um eftirlit með viðskiptaháttum og markaðssetningu, auk reglna sem stofnunin hefur eftirlit með.

Neytendastofa hefur tekið ákvarðanir í fjórum málum sem varða upplýsingagjöf og viðskiptahætti fyrirtækja sem sinna bílastæðaþjónustu í tengslum við gjaldskyld bílastæði.

Neytendastofa hefur tekið ákvörðun gagnvart Byko vegna framsetningar lukkuhjóls Byko og upplýsingagjafar.

Áfrýjunarnefnd neytendamála hefur staðfest frávísun Neytendastofu á erindi Snjalltækja ehf.

Neytendastofa gerði skoðun á ástandi verðmerkinga hjá 19 verslunum og þjónustuveitendum í Kópavogi. Í verðmerkingareftirliti er skoðað hvort söluvörur eru verðmerktar, hvar sem þær eru sýnilegar eða aðgengilegar neytendum. Einnig er skoðað hvort að verðskrá yfir framboðna þjónustu sé sýnileg.

Neytendastofa tók ákvörðun gagnvart Happyworld sem birt var 24. janúar 2025. Í kjölfar birtingar ákvörðunarinnar bárust Neytendastofu athugasemdir frá félaginu og féllst stofnunin með vísan til 1. mgr. 24. gr. stjórnsýslulaga á beiðni félagsins um endurupptöku á fyrrgreindri ákvörðun.

Ný markaðssetningarlög nr. 44/2026 hafa nú verið birt í Stjórnartíðindum. Lögin koma í stað laga nr. 57/2005, um eftirlit með viðskiptaháttum og markaðssetningu, laga nr. 62/2005, um Neytendastofu, og laga nr. 20/2020, um samvinnu stjórnvalda á Evrópska efnahagssvæðinu um neytendavernd.

Þann 1. júlí 2025 voru liðin 20 ár frá því að Neytendastofa tók til starfa og af því tilefni er í ávarpi forstjóra fyrir yfir hvað hefur áunnist í neytendamálum hér á landi á þeim tíma.

Neytendastofa lauk fyrstu ákvörðunum vegna upplýsingaskyldu við gjaldskyld bílastæði síðasta sumar. Þar á meðal voru ákvarðanir gagnvart Isavia Innanlandsflugvöllum ehf. og Isavia ohf. sem kærðu ákvarðanirnar til áfrýjunarnefndar neytendamála.

Neytendastofa hefur tekið ákvörðun gagnvart Akademias ehf., rekstraraðila Akademias. Ákvörðunin snýr að notkun heitisins „Executive MBA“ í markaðs- og kynningarefni fyrirtækisins.

Alþingi hefur samþykkt markaðssetningarlög sem fela í sér heildarendurskoðun á lögum um eftirlit með viðskiptaháttum og markaðssetningu, lögum um Neytendastofu og lögum um samvinnu stjórnvalda á Evrópska efnahagssvæðinu um neytendavernd.

Neytendastofa hefur sektað Póloborg ehf. fyrir brot gegn ákvörðun nr. 38/2024.

Neytendastofa hefur tekið ákvörðun gagnvart Michelsen vegna skilmála og upplýsingagjöf félagsins á vefsíðunni michelsen.is.

Neytendastofa tók ákvörðun gagnvart Travelshift, rekstraraðila Guide to Europe, vegna fullyrðinga, upplýsinga í samningi um pakkaferði og verðframsetningar á vefsíðunni guidetoeurope.is.

Neytendastofa hefur tekið ákvörðun gagnvart ST. Import ehf., rekstraraðila vefsíðunnar snjalltaeki.store. Ákvörðunin snýr að fullyrðingum um virkni og eiginleika vara, auglýstum afsláttum, óljósum samanburði og skorti á upplýsingum.

Neytendastofu barst kvörtun frá Gentle Gians-Hvalaferðum ehf. vegna auglýsinga og markaðssetningar Norðursiglingar ehf. Auglýsingarnar lutu að fullyrðingum um umhverfisvænar, hljóðlausar og kolefnislausar hvalaskoðunarferðir. Þá notaðist Norðursigling einnig við myndmerki sem var í líkingu græns laufblaðs.

Neytendastofa gerði skoðun á ástandi verðmerkinga hjá 28 verslunum og þjónustuveitendum í Smára- og Lindarhverfi í Kópavogi. Í verðmerkingareftirliti er skoðað hvort söluvörur eru verðmerktar, hvar sem þær eru sýnilegar eða aðgengilegar neytendum. Einnig er skoðað hvort að verðskrá yfir framboðna þjónustu sé sýnileg.

Neytendastofa hefur gefið út leiðbeiningar fyrir gjaldskyld bílastæði. Leiðbeiningarnar byggja á lögum um eftirlit með viðskiptaháttum og markaðssetningu og ákvörðunum Neytendastofu.

Starfsfólk Neytendastofu óskar öllum landsmönnum gleðilegra jóla og farsældar á nýju ári og þakkar ánægjulegt samstarf á árinu sem er að líða.

Neytendastofa gerði skoðun á ástandi verðmerkinga í verslunum sem staðsettar voru á Smáratorgi og Dalvegi í byrjun október sl. Farið var í 18 verslanir og skoðað hvort verðmerking væru sýnilegar á söluvörum og ústillingum verslananna. Í kjölfarið voru gerðar athugasemdir við 9 verslanir sem bæta þurftu verðmerkingar.