Ákvörðun um auðkennið Atvinnueign staðfest

22.01.2014

 

Áfrýjunarnefnd neytendamála hefur staðfest ákvörðun Neytendastofu nr. 6/2013 um auðkennið Atvinnueignir og lénið atvinnueignir.is.

Í niðurstöðum úrskurðarins segir að áfrýjunarnefndin telji að orðið atvinnueign nógu sérkennandi til þess að geta notið verndar. Auðkennin atvinnueign og atvinnueignir séu mjög lík auk þess sem fyrirtækin séu í sömu starfsemi og beini þjónustu sinni að sama markhópi. 

Notkun Leiguumsjónar ehf. á auðkenninu Atvinnueignir sé til þess fallið að valda verulegum ruglingi við Atvinnueignir ehf. og því sé staðfest ákvörðun Neytendastofu um að banna Leiguumsjón ehf. notkun þess. 

Úrskurð í máli nr. 1/2013 má lesa í heild sinn hér.