Dagsektir lagðar á Define the line

Neytendastofa hefur tekið ákvörðun þess efnis að vefverslunin Define the line skuli greiða dagsektir þar til upplýsingum á síðunni verður komið í lag.

Samkvæmt lögum eiga vefverslanir að veita ítarlegar upplýsingar um sig þannig að neytendum sé fullkomlega ljóst hverja þeir eru að eiga viðskipti við. Veita á upplýsingar um nafn og heimilisfang, kennitölu, póstfang eða netfang þar sem hægt er að hafa samband, virðisaukaskattnúmer, opinbera skrá sem félagið er skráð í (t.d. hf., ehf. eða slf.) og leyfisveitanda ef verslunin er háð starfsleyfi.

Í málinu gerði Neytendastofa einnig athugasemdir við að neytendum væri samkvæmt skilmálum ekki veittur lögbundinn 14 daga skilafrestur.

Með ákvörðun Neytendastofu er Define the line gert að greiða 50.000 kr. á dag þar til viðeigandi lagfæringar hafa verið gerðar á síðunni.

Ákvörðunina má lesa hér