Ákvörðun Neytendastofu staðfest

Neytendastofa tók þá ákvörðun með bréfi dags. 8. júní 2016 að afhenda ekki gögn er varða öryggi fullgildra rafrænna undirskrifa og öryggi burðarlags fyrir fullgildar rafrænar undirskriftir í farsíma. Neytendastofa taldi að mikilvægir almanna- og einkahagsmunir krefðust þess að takmarkaður væri aðgangur að umbeðnum gögnum á grundvelli upplýsingalaga. Neytendastofa vísaði einnig til þess að stjórnsýslumál væri í gangi hjá stofnuninni vegna erindisins og teldust umbeðinn gögn ekki vera hluti að gögnum þess máls og því bæri stofnuninni ekki að afhenda gögnin á grundvelli stjórnsýslulaga. Áfrýjunarnefnd neytendamála taldi sig ekki hafa forsendur að svo stöddu til að draga í efa afmörkun Neytendastofu á gögnum málsins og staðfesti því hina kærðu ákvörðun.

Úrskurðinn má lesa í heild sinni hér.