Toyota innkallar Landcruiser, Avensis, C-HR og Auris

Neytendastofu hefur borist tilkynning frá Toyota á Íslandi um að innkalla þurfi 20 Toyota Landcruiser bifreiðar af árgerð 2019. Ástæða innköllunarinnar er að möguleiki er á að innspýtingarkerfi fyrir olíuverk sé ekki fest nægilega vel og gæti losnað. Viðgerð felst í því að skipt er um rör og klemmur.

Einnig eru innkallaðar 5 Toyota Avensis, C-HR og Auris bifreiðar af árgerð 2016-2017. Ástæða innköllunarinnar er að möguleiki er á að leðuráklæði sé fest á rangan hátt. Þar af leiðir að mögulega gætu loftpúðar bifreiðanna ekki virkað sem skyldi.

Viðkomandi bifreiðareigendum verður tilkynnt um innköllunina bréfleiðis.

Neytendastofa hvetur bifreiðaeigendur til að fylgjast vel með hvort að verið sé að innkalla þeirra bifreiðar og hafa samband við umboðið ef þeir eru í vafa.