Lénið blomatorg.is

Blómatorgið kvartaði yfir skráningu og notkun Smiðsins byggingafélags ehf. á léninu blomatorg.is. Í erindinu segir að nafn lénsins og rekstur þess sé hið sama og hjá Blómatorginu sem einnig eigi lénið blomatorgid.is. Blomatorg.is sé starfrækt á viðskiptavild Blómatorgsins og sé því til þess fallið að blekkja neytendur.

Eftir að Neytendastofa hefur athugað málið þá telur hún ljóst að hætta sé á ruglingi  milli aðila þar sem að hluta til séu þeir á sama markaði.  Engu að síður þá getur Blómatorgið ekki notið einkaréttar á orðinu Blómatorg með eða án greinis í eintölu eða fleirtölu eða annars konar útfærslum á orðinu þar sem orðið eru að mati Neytendastofu almennt og lýsandi fyrir þá starfsemi sem málsaðilar stunda, þ.e. að selja blóm og hafa milligöngu um sölu þeirra. Heitið hefur ekki að geyma sérkenni. Blómatorgið á ekki skráð vörumerki hjá Einkaleyfastofu og hefur að mati Neytendastofu ekki sýnt fram á að fyrirtækið hafi myndað einkaréttar til orðsins fyrir notkun.

Ákvörðunina má lesa í heild sinni hér.