GN Netcom tilkynnir um aðgerð til að skipta út rafhlöðum fyrir GN9120

Í samvinnu við yfirvöld öryggismála í Danmörku (Sikkerhedsstyrelsen) og Bandaríkjunum (U.S. Consumer Product Safety Commission), tilkynnir GN Netcom um aðgerð til skipta út rafhlöðum sem framleiddar eru af Amperex Technology Limited („ATL“) og notaðar eru í þráðlausum höfuðtólum GN Netcom af gerðinni GN9120.

Við fágætar aðstæður geta þessar rafhlöður ofhitnað vegna innri skammhlaupa og þannig valdið eldhættu. Því ráðleggur GN Netcom viðskiptavinum sínum að taka vöruna úr sambandi og hætta notkun hennar tafarlaust.

„Öryggi vörunnar er forgangsatriði hjá okkur. Við höfum selt rúmlega eina milljón stykkja um allan heim en tilkynnt hefur verið um tæp fimmtíu tilvik. Engu að síður hefur GN Netcom ákveðið sem varúðarráðstöfun að hefja aðgerðir til að skipta út rafhlöðum til að forðast fleiri tilvik. Við skiptum líka bæði um rafhlöðubirgja og tegund rafhlöðu fyrir GN9120 vörulínuna,” er haft eftir Toon Bouten, forstjóra GN Netcom.

Rafhlöður sem skipta þarf út voru settar í GN9120 höfuðtól sem seld voru á tímabilinu frá janúar 2005 til september 2008. Þessar vörur eru ætlaðar til notkunar á skrifstofum og hjá svarþjónustum og voru einkum seldar í gegnum dreifingaraðila og smásölur. Rafhlöðurnar sem skipta á út eru klæddar í hvítt plast og merktar „Made by ATL (Amperex Technology Ltd.)“ og „(ATL P/N 603028)“. Rafhlöðurnar sem skipta á út hafa líka verið seldar sem íhlutir merktar „GN9120 Battery replacement kit“ (GN9120 rafhlöður sem íhlutir). Aðgerðin til að skipta út rafhlöðum á aðeins við um GN9120 höfuðtól með þessari tilteknu ATL-rafhlöðu.

GN Netcom biður viðskiptavini sína að fara á vefsíðuna www.Jabra.com/battery til að fá nánari upplýsingar og til að panta nýjar rafhlöður þeim að kostnaðarlausu.

„Við gerum allt sem við getum til að tryggja að fljótt verði skipt út og hörmum öll óþægindi sem það kann að valda viðskiptavinum okkar,“ sagði Toon Bouten.

Nánari upplýsingar um aðgerðina til að skipta út rafhlöðum er að finna á vefsíðunni www.jabra.com/battery.
1. Ef frekari spurningar vakna – skal hafa samband við Tæknivörur  +354 544 5500 eða Opin Kerfi +354 570-1000

Nánari upplýsingar gefa:

Norður-Ameríka
Phyllis McCullagh, +1 603 598 1100

Evrópa, Mið-austurlönd og Afríka
Christian Sommerhoff, +49 8031 26510

Kyrrahafshluti Asíu
Angela Wilde, +65 (63) 902600

Fjárfestar hafi samband við:

Jens Bille Bergholdt, +45 45 75 00 00