Lénið vatnstjon.is

VT Þjónustan/Vatnstjón ehf. kvartaði til Neytendastofu yfir skráningu og notkun Ægilegt ehf. á léninu vatnstjon.is. VT Þjónustan/Vatntjón ætti skráð lénið vatntjon.is og með skráningu lénsins vatnstjon.is hafi Ægilegt ógnað viðskiptahagsmunum og samningsstöðu VT Þjónustunnar/Vatnstjóns.

Neytendastofa taldi lénin lýsandi fyrir starfsemi aðilanna og ekki nægilega sérkennandi til þess að hægt væri að veita öðrum þeirra einkarétt til orðsins. Því taldi stofnunin ekki ástæðu til að aðhafast í málinu.

Lesa má ákvörðun Neytendastofu nr. 47/2010 í heild sinni hér.