Fréttir eftir mánuðum

Í kjölfar viðvarana frá neytendasamtökum á Ítalíu og Spáni hvöttu Evrópsku neytendasamtökin (BEUC) samstarf neytendayfirvalda í Evrópu (CPC) til að framkvæma rannsókn í Evrópu á málefnum tengdum AdBlue tönkum í bílum framleiddum af Stellantis.

Neytendastofa hefur haft til skoðunar auglýsingar á nikótínvörum, rafrettum og áfyllingum fyrir rafrettur. Lagði stofnunin sérstaka áherslu á auglýsingar á samfélagsmiðlum, vefsíðum og utan á verslunum. Hefur stofnunin nú birt ákvörðun gagnvart Pólóborg ehf.

Neytendastofa hefur tekið ákvörðun gagnvart Travelshift ehf., rekstraraðila Guide to Europe, vegna fullyrðinga, upplýsinga í samningi um pakkaferðir og verðframsetningu á vefsíðunni guidetoeurope.is. Í málinu er m.a. fjallað um fullyrðingar Guide to Europe um mesta úrvalið, bestu ferðirnar, ódýrustu, lægstu og bestu verðin o.fl.

Neytendastofa gerði athugasemdir við upplýsingagjöf Kilroy Iceland til ferðamanna bæði fyrir samningsgerð og í samningnum sjálfum.

Neytendastofu hafa borist ábendingar vegna notkunar erlendra tungumála í markaðssetningu í miðbæ Reykjavíkur. Af því tilefni og vegna áherslu sem stofnunin hefur haft á að fylgja eftir ábendingum um tungumálanotkun, m.a. vegna viljayfirlýsingar Menningar- og viðskiptaráðherra og Neytendastofu, var ákveðið að byrja á að skoða matseðla og markaðsefni veitingastaða í miðbænum.

Neytendastofa hefur haft til skoðunar auglýsingar á nikótínvörum, rafrettum og áfyllingum fyrir rafrettur. Lagði stofnunin sérstaka áherslu á auglýsingar á samfélagsmiðlum, vefsíðum og utan á verslunum. Hefur stofnunin nú birt ákvarðanir gagnvart tveimur fyrirtækjum um brot gegn auglýsingabanni, þ.e. Urriðafoss ehf. og King Kong ehf.