Fréttir eftir mánuðum

Neytendastofa hefur komist að þeirri niðurstöðu að innheimta Fasteignasölunnar Fasteign.is á umsýslugjaldi úr hendi kaupanda fasteignar án þess að gera um það sérstakan samning brjóti gegn ákvæðum 5. gr. laga um eftirlit með óréttmætum viðskiptaháttum og gagnsæi markaðarins.

Áfrýjunarnefnd neytendamála hefur í máli nr. 3/2006 fellt úr gildi ákvörðun Neytendastofu nr. 6/2006. Neytendastofa hafði lagt fyrir Nýherja hf. að láta afskrá lénið fartolva.is þar sem skráning og notkun lénsins bryti gegn ákvæðum 5. og 12. gr. laga um eftirlit með óréttmætum viðskiptaháttum og gagnsæi markaðarins.

Innköllun á hættulegum áttavita sem fylgir barnajökkum fer nú fram á vegum H&M. Ástæða innköllunarinnar er að sú að hætta er á að áttavitinn geti brotnað í smærri hluta sem getur skapað köfnunarhættu ef börn setja þá upp í sig. Í áttavitanum er einnig vökvi sem getur verið skaðlegur börnum. Jakkinn hefur ekki verið seldur hér á landi.

Neytendastofa hefur bannað Orms lyftum ehf. að nota firmanafnið Orms lyftur í kjölfar kvörtunar Bræðranna Ormsson ehf. og Íslandslyfta ehf.

Neytendastofa hefur bannað Europro ehf. alla notkun tilboðsblaða, pöntunarblaða og vörulista fyrirtækisins í núverandi formi í kjölfar kvörtunar Würth á Íslandi ehf.

Úttekt Neytendastofu leiðir í ljós að raflögnum og rafbúnaði á íslenskum verkstæðum er víða ábótavant. Gerðar voru athugasemdir við merkingu búnaðar í rafmagnstöflum í nær öllum verkstæðum sem skoðuð voru, eða í 91% tilvika

Starfshópur, sem skipaður var af viðskiptaráðherra árið 2004 til þess að leita svara við þeirri spurningu „hvort framkvæmanlegt sé að semja neysluviðmið fyrir Ísland og hverjir séu kostir þess og gallar“, hefur skilað áliti sínu.