Fréttir eftir mánuðum

Í skýrslunni er að finna tölfræði afgreiddra stjórnsýslumála ársins auk umfjöllunar um helstu verkefni stofnunarinnar. Þannig er gerð grein fyrir stjórnsýslumálum sem voru fyrirferðamikil á árinu eins og málum tengdum íslenskri tungu, umhverfis- og heilsufullyrðingum og auglýsingabanni á nikótínvörum og rafrettum.

Neytendastofu hafði til skoðunar fullyrðingar Hemmett ehf., rekstraraðila Hugur Studio, um virkni sveppadropa og sveppadufts sem félagið býður til sölu.

Neytendastofa hefur sektað Húsgagnahöllina vegna auglýsinga um Tax Free afslætti félagsins. Var um að ræða auglýsingar þar sem prósentuhlutfall verðlækkunar var ekki kynnt neytendum. Auglýsingarnar voru birtar á Facebook síðu félagsins og Rúv.

Neytendastofa hefur haft til skoðunar upplýsingagjöf og viðskiptahætti fyrirtækja sem sinna bílastæðaþjónustu í tengslum við gjaldskyld bílastæði. Stofnunin hefur nú lokið ákvörðun gagnvart fjórum fyrirtækjum þar sem upplýsingagjöf og viðskiptahættir eru ekki í samræmi við lög.