Fréttir eftir mánuðum

Neytendastofu barst erindi frá Símanum vegna auglýsinga Vodafone með fullyrðingum um stærsta 4G kerfið og landstærsta sjónvarpsdreifikerfið auk fullyrðingarinnar „stærstir í 4G“

Neytendastofu hefur borist tilkynning frá Toyota á Íslandi að innkalla þurfi 88 Lexus IS og GS bifreiðar af árgerðum frá 2004-2007.

Neytendastofu hefur borist tilkynning frá Suzuki bílar hf um innköllun á 274 Suzuki SX4 S-Cross bifreiðum af árgerðum 2013 til 2016.

Sýningarkerfi ehf. kærðu ákvörðun Neytendastofu frá 10. nóvember 2015 þar sem stofnunin taldi ekki ástæða til aðgerða vegna notkunar Grafíker ehf. á léninu syningakerfi.is.

Neytendastofu hefur borist tilkynning frá Brimborg ehf. um innköllun á einni Peugeot bifreið af árgerðinni 2016. Ástæða innköllunarinnar er að leki gæti verið með túrbínubolta. Brimborg ehf mun hafa samband við bifreiðareiganda vegna þessarar innköllunar.

Áfrýjunarnefnd neytendamála hefur staðfest ákvörðun Neytendastofu nr. 37/2015 um auðkennið „Reykjavík Lights Apartment“.

Neytendastofu hefur borist tilkynning frá BL ehf. um innköllun á 117 Nissan bifreiðum árgerð 2014-2015, af tegundinni Pulsar.

Neytendastofu hefur borist tilkynning frá Heklu að innkalla þurfi 17 Volkswagen Passat og 6 Skoda Superb árgerð 2015 og 2016 með Panorama sólþaki. Ástæða innköllunar er sú að sólþakið skynjar ekki hindrun

Neytendastofu hefur borist tilkynning frá Heklu um innköllun á Volkswagen Touareg frá árgerð 2010 til 2016. Ástæða innköllunar er að öxull fyrir bremsupedala getur farið úr stýringu vegna þess að öxulsplitti getur vantað.

Neytendastofa vekur athygli á innköllun IKEA á LATTJO leðurblökuslá vegna þriggja tilkynninga um að börn hafi hlotið skrámur eða mar á háls eftir notkun hennar. Í þessum tilfellum sat sláin föst og losnaði ekki frá hálsi barna eins og hún á að gera við álag. Ekkert tilvik hefur verið tilkynnt hér á landi.

Neytendastofu hefur borist tilkynning frá Tiger vegna innköllunar á snúningskubbum. Við reglulegt eftirlit kom í ljós að kubbarnir geta losnað frá hvorum öðrum og í versta falli valdið köfnun.

Samtök iðnaðarins kvörtuðu til Neytendastofu vegna merkinga Drífu á ullarfatnaði og flís- og nælonfatnaði. Vörurnar sem kvartað var yfir eru ýmist merktar með íslenskum fána eða merki með landfræðilegum útlínum Íslands og töldu Samtök iðnaðarins að merkingarnar gæfu ranglega til kynna að um íslenska vöru og framleiðslu væri að ræða.

Neytendastofu barst erindi frá söngskólanum Vocal-Lísa þar sem kvartað var yfir notkun söngskólans Vocalist á auðkenninu VOCALIST. Taldi Vocal-Lísa að líkindi með heiti skólanna leiddu til þess að hætt væri á að neytendur rugluðu þeim saman.

Samtök iðnaðarins kvörtuðu til Neytendastofu vegna auglýsinga Pennans ehf. á FANSA húsgögnum. Penninn auglýsti húsgögnin sem íslensk og töldu samtökin að það væri villandi þar sem húsgögnin væru ekki að fullu framleidd á Íslandi.

Neytendastofu hefur borist tilkynning frá Tiger vegna innköllunar á Gíröffum. Við reglulegt eftirlit kom í ljós að nokkrir af gíröffunum eru með laus horn. Það getur verið varasamt fyrir lítil börn að setja þau upp í sig og í versta falli valdið köfnun.

Neytendastofu hefur borist tilkynning frá BL ehf. um innköllun á 124 Subaru bifreiðum árgerð 2015, af tegundinni Legacy / Outback.