Fréttir eftir mánuðum

Neytendastofa vekur athygli á innköllun IKEA bláum og rauðum MATVRÅ smekkum sem seldir eru 2 í pakka. Samkvæmt tilkynningu IKEA er viðskiptavini sem eiga þessa vöru hvattir til að skila henni til IKEA og fá hana endurgreidda að fullu. Kvittun er ekki skilyrði fyrir endurgreiðslu.

Neytendastofa veitti nú í mánuðnum fyrirtækinu Ferskar kjötvörur ehf. heimild til að e-merkja ákveðnar vörur frá þeim. Um er að ræða nautgripahakk og nokkrar stærðir að hamborgurum. Notkun á e-merki á forpakkaðar vörur er einungis heimil þeim fyrirtækjum sem uppfylla ákvæði reglugerðar nr. 437/2009 um e-merktar forpakkningar.

Neytendastofu barst erindi frá DKH Retail LTD. þar sem kvartað var yfir notkun Arnarlands ehf. á auðkenninu SUPERDRY og öðrum sambærilegum auðkennum.

Neytendastofu barst kvörtun frá Símanum yfir samanburðarauglýsingum Sýnar. Í auglýsingunni, sem beint var til viðskiptavina með Risapakkann frá Stöð 2, var fullyrt að viðkomandi gæti sparað verulegar fjárhæðir á hverju ári með því að færa fjarskipti sín í þjónustuna Heima sem Vodafone býður.

Neytendastofa hefur fengið ábendingar um söluaðila sem selja nikótínáfyllingar sem þeir blanda sjálfir. Um er að ræða tilfelli þar sem nikótíni er bætt út í nikótínlausa vökva sem seldir eru í verslunum.

Neytendastofu hefur borist tilkynning frá BL ehf um að innkalla þurfi 144 Nissan Micra bifreiðar af árgerð 2016 - 2017. Ástæða innköllunarinnar

Neytendastofa vill af gefnu tilefni minna á að það er bannað að selja einnota rafrettur, hylki eða áfyllingar fyrir rafrettur sem gefa til kynna að varan hafi heilsubætandi eiginleika, lækningamátt, eða lífsþrótt. Neytendastofa hefur þegar haft merkingar á vöru til skoðunar sem gefa í skyn að um „heilsu“ áfyllingu fyrir rafrettur sé að ræða.

Samstarf neytendaeftirlita á Norðurlöndunum er til þess fallið að styrkja mjög eftirlit, svo sem varðandi villandi fullyrðingar fyrirtækja um sjálfbærni að umhverfisáhrif sem ekki eiga við rök að styðjast. Einnig verður lögð áhersla á eftirlit með neytendalánum og duldum auglýsingum samkvæmt niðurstöðu af fundi forstjóra norrænna neytendaeftirlita sem fram fór í Kaupmannahöfn. Fundinn sótti Tryggvi Axelsson, forstjóri Neytendastofu.

Neytendastofa gerði könnun í aprílmánuði 2019, á upplýsingagjöf dekkjaverkstæða. Skoðaðar voru vefsíður 15 dekkjaverkstæða á höfuðborgarsvæðinu. Könnunin snéri að ástandi verðmerkinga á vefsíðum fyrirtækjanna þar sem skylt er að gefa upp verð bæði þar sem þjónusta er kynnt og seld.

Neytendastofa hvetur fólk til að huga að endurskinsmerkjum nú þegar dagurinn fer að styttast og skólarnir að byrja. Að ýmsu þarf að huga þegar valin eru endurskinsmerki því þetta er ein af þeim vörum sem ekki er hægt að meta hvort sé í lagi með því einu að horfa á hana.

Neytendastofu hefur borist tilkynning frá Bílaumboðinu Öskju ehf um að innkalla þurfi 21 Mercedes-Benz Sprinter bifreiðar af árgerð 2019

Neytendastofa hefur lagt 150.000 kr. stjórnvaldssekt á Törutrix ehf. fyrir brot gegn ákvörðun. Með fyrri ákvörðun Neytendastofu var Törutrix bönnuð birtingu fullyrðinga um virkni vörunnar SKINNYCOFFEECLUB þar sem ekki tókst að sanna þær. Í banninu fólst m.a. að Törutrix skyldi fjarlægja fullyrðingarnar úr vefverslun sinni.

Neytendastofu barst ábending vegna fullyrðinga Fitness Sport í auglýsingum félagsins á Sweet Sweat geli og belti. Neytendastofa óskaði eftir sönnunum fyrir fullyrðingum um að vörurnar m.a. brenni fitu á ákveðnum svæðum líkamans, örvi fitubrennslu

Áfrýjunarnefnd neytendamála hefur fellt úr gildi ákvörðun Neytendastofu um að veita Djúpavogshöfn ekki undanþágu fyrir vigtarmenn frá hæfisreglum.

Neytendastofu hefur borist tilkynning frá Toyota á Íslandi ehf um að innkalla þurfi 185 Toyota Proace bifreiðar af árgerðum 2016 - 2019. Ástæða innköllunarinnar er að möguleiki er á að öryggisbelti farþegamegin virki ekki sem skyldi við ákveðnar aðstæður

Neytendastofu hefur borist tilkynning frá Bílaumboðinu Öskju ehf um að innkalla þurfi 10 Mercedes-Benz GLE bifreiðar af árgerð 2019.