Fréttir eftir árum

Neytendastofu bárust ábendingar vegna skilmála Icelandair um mætingarskyldu viðskiptavina (e. no-show). Af því tilefni óskaði Neytendastofa eftir skýringum og athugasemdum Icelandair um skilmála og upplýsingagjöf félagsins. Í bréfum Neytendastofu kom fram að ósamræmi virtist vera í skilmálum um heimild farþega til að nýta síðari fluglegg ef fyrri flugleggur er ekki nýttur, ásamt því að erfitt hafi verið að finna skilmálana á vefsíðu félagsins. Þá var ekki að sjá að skilmálarnir væru aðgengilegir á íslensku.

Starfsfólk Neytendastofu óskar landsmönnum gleðilegra jóla og farsældar á nýju ári. Afgreiðslutími Neytendastofu er óbreyttur á milli jóla og nýárs.

Í framhaldi af viðræðum við framkvæmdastjórn Evrópusambandsins og neytendayfirvöld hefur PayPal skuldbundið sig til að breyta skilmálum sínum, í þeim tilgangi að gera þá gagnsærri og auðskiljanlegri fyrir neytendur.

Neytendastofa hefur tekið ákvörðun vegna auglýsinga GS Verslana ehf., rekstraraðila GS Búllunar, á nikótínvörum, rafrettum og áfyllingum fyrir þær. Í ákvörðuninni er fjallað um auglýsingar á samfélagsmiðlum félagsins, utan á verslun þess og á vefsíðunni gsbullan.is.

Neytendastofa hefur sektað 11 fyrirtæki í miðbæ Reykjavíkur fyrir ófullnægjandi verðmerkingar.

Neytendastofa hefur tekið ákvörðun gagnvart Arnarlaxi vegna fullyrðinga um sjálfbærni í markaðssetningu og vörumerkjum félagsins. Í málinu er fjallað um fullyrðingar Arnarlax um sjálfbærni, umhverfisvæna framleiðslu o.fl. sem m.a. birtust á vefsíðu félagsins og í öðru auglýsinga- og kynningarefni þess.

Neytendastofu barst ábending frá neytanda vegna skilmála Lifandi vísinda um uppsögn. Af því tilefni óskaði Neytendastofa eftir skýringum Lifandi vísinda um samskipti og upplýsingar við sölu áskriftar.

Lilja Dögg Alfreðsdóttir, menningar- og viðskiptaráðherra og Neytendastofa undirrituðu í gær viljayfirlýsingu um að ráðast í átaksverkefni sem miðar að því að auka vitund fyrirtækja og almennings um íslenskuákvæði laga um eftirlit með viðskiptaháttum og markaðssetningu.

Neytendastofa hefur sektað Hagkaup vegna auglýsinga um Tax-free afslætti félagsins. Var annars vegar um að ræða auglýsingu þar sem prósentuhlutfall verðlækkunarinnar var ekki kynnt neytendum og hins vegar auglýsingar þar sem prósentuhlutfall verðlækkunar var ekki kynnt neytendum með nægilega skýrum hætti.

Neytendastofa hefur tekið ákvörðun um brot Santewines SAS, rekstraraðila vefsíðunnar sante.is, vegna ólögmætra skilmála um rétt neytenda til að falla frá samningi. Í skilmálum félagsins kom fram að ekki væri hægt að skila vörum gegn endurgreiðslu nema samkvæmt sérstöku samkomulagi þegar um væri að ræða kaup í miklu magni fyrir veislur eða þess háttar.

Neytendastofa hefur tekið ákvarðanir gagnvart Blush, Pipar auglýsingastofu og Birnu Rún Eiríksdóttur vegna dulinna auglýsinga. Um var að ræða fasteignaauglýsingu fyrirsvarsmanns Blush þar sem vörum Blush hafði verið stillt upp. Umfjöllun um fasteignaauglýsinguna sem dreift var á Instagram og Tiktok og aðrar umfjallanir um vörur Blush á Instagram og Tiktok sem ekki voru merktar sem auglýsing.

Markaðssetning á samfélagsmiðlum er orðinn stór hluti af stafrænu hagkerfi og er áætlað að alþjóðlegt virði hennar nemi 19,98 billjón Evra á þessu ári.

Neytendastofa vekur athygli á að þann 16. október n.k. verður boðið upp á stafræna kynningu á lagalegri miðstöð fyrir áhrifavalda (e. Influencer Legal Hub). Framkvæmdastjórn Evrópusambandsins stendur að verkefninu í samstarfi við sérfræðinga um málefnið. Tilgangurinn með þessu er að veita áhrifavöldum, auglýsendum, markaðs- og auglýsingastofum og fleirum á þessu sviði almenna aðstoð um hvernig hægt er að fylgja eftir neytendaverndarlögum innan ESB.

Neytendastofa hefur tekið ákvörðun um brot Adotta CBD Reykjavík ehf. vegna fullyrðinga félagsins um lyfjavirkni snyrtivara sem innihalda CBD og eru seldar undir vörumerkinu „CBD RVK“. Málið laut bæði að fullyrðingum um lyfjavirkni snyrtivara sem auglýstar voru á útvarpsmiðlum RÚV sem og fullyrðingum er birtust á vefsíðu félagsins, cbdrvk.is.

Neytendastofu barst ábending um skort á upplýsingum frá Eddu útgáfu um binditíma áskriftar við fjarsölu. Við athugun Neytendastofu voru gerðar ýmsar athugasemdir við upplýsingagjöfina og að staðfesting á samningi væri ekki send.

Neytendastofa hefur tekið ákvörðun um brot Healing Iceland ehf. vegna fullyrðinga félagsins um lyfjavirkni snyrtivara sem innihalda CBD og eru seldar á vefsíðu félagsins undir vörumerkinu „Sproti“.

Neytendastofa hefur tekið ákvörðun gagnvart Líflandi ehf. vegna sölu á vörum þar sem umbúðir eru skreyttar broti úr íslenska fánanum. Um er að ræða vörur ISI-PACK sem m.a. framleiðir hóffylliefni fyrir hesta. Vörurnar eru framleiddar af hollensku félagi, erlendis úr erlendum hráefnum. Það var því álit Neytendastofu að um óheimila notkun á íslenska þjóðfánanum væri að ræða.

Neytendastofa gerði skoðun á ástandi verðmerkinga hjá verslunum í Skeifunni í lok maí s.l. Farið var í 45 verslanir og gerð athugun á hvort söluvörur væru verðmerktar auk þess sem skoðað var sérstaklega hvort verðmerkingar væru sýnilegar á útstillingum, t.d. í sýningargluggum. Í fyrri heimsóknum voru gerðar athugasemdir við 14 verslanir sem bæta þurftu verðmerkingar.

Neytendastofa hefur lagt stjórnvaldssekt á rekstraraðila Nýju Vínbúðarinnar vegna brota gegn ákvörðun Neytendastofu.

Neytendastofa hefur tekið ákvörðun gegn Svens ehf. vegna auglýsinga á nikótínvörum. Í ákvörðuninni er annars vegar fjallað um auglýsingar framan á verslunum Svens og hins vegar auglýsingar sem voru birtar á samfélagsmiðlum.

Neytendastofa vekur athygli á að í kjölfar viðræðna við framkvæmdastjórn Evrópusambandsins hafa þrjár stórar ferðaskrifstofur á netinu skuldbundið sig til að upplýsa neytendur betur ef flugi er aflýst og að flytja endurgreiðslur til neytenda frá flugfélögum innan sjö daga. Þetta þýðir að neytendur fá endurgreitt innan 14 daga frá því að fluginu er aflýst.

Neytendastofa gerði skoðun á ástandi verðmerkinga í smærri verslunarkjörnum á höfuðborgarsvæðinu í lok maí s.l. Farið var í 40 verslanir og skoðað hvort söluvörur væru verðmerktar auk þess sem skoðað var sérstaklega hvort verðmerkingar væru sýnilegar á útstillingum, t.d. í sýningarglugga. Í fyrri heimsóknum voru gerðar athugasemdir við 12 verslanir sem bæta þurftu verðmerkingar.

Með úrskurði áfrýjunarnefndar neytendamála nr. 13/2021 var ákvörðun Neytendastofu um notkun Fríhafnarinnar á heitunum „duty Free“ og „fríhöfn“ felld úr gildi og lagt fyrir stofnunina að taka málið til nýrrar meðferðar. Niðurstaða áfrýjunarnefndar neytendamála byggði á því að málið hafi ekki verið nægjanlega upplýst áður en ákvörðun var tekin í því að því er varði upplýsingagjöf til neytenda um opinberar álögur á vörur úr verslunum fyrirtækisins.

Neytendastofu hefur tekið ákvörðun vegna verðmerkinga Samkaupa hf. í vefverslun Nettó þar sem einingarverð vantaði á fjölda vara á vefsíðunni.

Neytendastofu hefur tekið ákvörðun vegna fullyrðinga um virkni snyrtivara á vefsíðu Birtu CBD ásamt framsetningu auglýsinga og kynninga á vefsíðunni.

Í skýrslunni er að finna tölfræði afgreiddra stjórnsýslumála ársins auk umfjöllunar um helstu verkefni stofnunarinnar. Þannig er gerð grein fyrir stjórnsýslumálum sem voru fyrirferðamikil á árinu eins og málum tengd umhverfisvernd, auglýsingum á samfélagsmiðlum og upplýsingum við fjarsölu. Auk þess er fjallað um ýmis önnur verkefni sem áhrif höfðu á starfsemi stofnunarinnar, svo sem niðurstöður dómsmála, útgáfa leiðbeininga auk erlends og innlends samstarfs.

Neytendastofa hefur tekið ákvörðun gagnvart Stjörnugrís hf. vegna óheimilar notkunar félagsins á þjóðfána íslendinga á umbúðum fyrir Smass hamborgara sem voru að stærstum hluta framleiddir úr þýsku nautakjöti.

Neytendastofa hefur sektað verslanir í Kringlunni og Smáralind fyrir skort á verðmerkingum. Stofnunin fór í febrúarmánuði og kannaði ástand verðmerkinga í verslunarmiðstöðvunum. Við fyrri skoðun var farið í 100 verslanir og veitingastaði í Kringlunni og 71 verslun og veitingastaði í Smáralind. Gerðar voru athugasemdir við verðmerkingar hjá 61 verslun þar sem ýmist vantaði verðmerkingar á vörur í versluninni, í sýningarglugga eða bæði.

Neytendastofa vísaði frá kvörtun Ungmennafélags Íslands yfir notkun Landssambands æskulýðsfélaga á auðkenni sínu. Í ákvörðuninni fjallaði Neytendastofa um að kvörtunin hefði takmörkuð áhrif á heildarhagsmuni neytenda og yrði því ekki tekið til efnislegrar meðferðar hjá stofnuninni.

Neytendastofa sektaði Cromwell Rugs fyrir villandi auglýsingar í apríl 2022. Í ákvörðun Neytendastofu var um það fjallað að félagið hafi brotið gegn góðum viðskiptaháttum með auglýsingum um að vörur yrðu aðeins fáanlegar í mjög stuttan tíma, að félagið væri að hætta verslun og um það bil að flytja sig um set. Þá gerði stofnunin athugasemdir við að endanlegt verð væri ekki birt í auglýsingum.

Neytendastofa hefur tekið ákvörðun gagnvart Olís ehf., vegna auglýsinga um afslátt á völdum sjálfsafgreiðslustöðvum ÓB.

Áfrýjunarnefnd neytendamála hefur fellt úr gildi ákvörðun Neytendastofu vegna kynninga Ilva um rýmingarsölu.

Neytendastofa tekur þátt í Loftslagsdeginum 2023 sem fer fram 4. maí í Hörpu og beinu streymi. Á Loftslagsdeginum koma saman margir af helstu sérfræðingum þjóðarinnar í loftslagsmálum og útskýra umræðuna á mannamáli.

Neytendastofa hefur tekið ákvörðun um brot Nýju Vínbúðarinnar vegna skorts á upplýsingum á heimasíðu félagsins. Því til viðbótar veitti verslunin rangar upplýsingar um réttindi neytenda þegar kemur að fjarsölu. Á málið rætur að rekja til sölu verslunarinnar á Jólabjóradagatölum til neytenda þar sem þeim var neitað um að skila vörunni þrátt fyrir skýran rétt til að falla frá samningi.

Neytendastofa hefur tekið ákvörðun gagnvart Origo hf. vegna fullyrðingar í auglýsingum félagsins um að Bose QuietComfort Earbuds II væri með „besta noise cancellation í heimi“.

Neytendastofa hefur tekið ákvörðun gagnvart Dekkja- og bílaþjónustunni ehf., rekstraraðila dekk1.is, vegna auglýsinga og kynningar á tilboðum á dekkjum í tengslum við Cyberviku félagsins, vísun til svokallaðs „gámatilboðs“ og tilboði á dekkjum sem tóku gildi eftir að Cyberviku félagsins lauk.

Neytendastofa tók þátt í samræmdri skoðun neytendayfirvalda í Evrópu um notkun á myrkum mynstrum (e. Dark Patterns) hjá vefverslunum. Skoðunin var gerð af 23 stofnunum og tók til 399 vefverslana hjá seljendum af ýmsum vörum, allt frá vefnaðarvörum til raftækja.

Neytendastofa vekur athygli á því að þann 1. apríl taka gildi ný lög um leigubifreiðaakstur. Þar er meðal annars fjallað um verðupplýsingar og Neytendastofu falið eftirlit með þeim ákvæðum.

Neytendastofu bárust ábendingar um að engar verðmerkingar væru sjáanlegar á bókum og leikföngum í verslunum Nettó í Mjódd og Krossmóa og eingöngu væri notast við verðskanna eða QR kóða.

Neytendastofa hefur tekið ákvörðun gagnvart rekstraraðila Nýju Vínbúðarinnar vegna villandi auglýsinga

Neytendastofa vekur athygli á því að í kjölfar viðræðna við Samstarfsnet neytendayfirvalda í Evrópu (Consumer Protection Cooperation - CPC) hefur Google samþykkt að gera breytingar í samræmi við athugasemdir yfirvaldanna. Áhersla var lögð á skort á gagnsæi og skýrum upplýsingum til neytenda og ætlar Google að kynna breytingar á Google Store, Google Play Store, Google Hotels og Google Flights.

Neytendastofa framkvæmdi nýverið athuganir á því hvort tölvuverslanir sem selja vörur sínar m.a. í gegnum vefverslanir uppfylltu kröfur um upplýsingagjöf til neytenda í samræmi við ákvæði laga um neytendasamninga nr. 16/2016. Í þetta skiptið lagði stofnunin áherslu á birtingu upplýsinga um réttinn til að falla frá samningi og skyldu til að birta upplýsingar um lögbundinn rétt neytenda þegar söluhlutur reynist gallaður. Fyrirtæki þau sem voru til skoðunar voru Origo, Epli, Tölvutek, Tölvulistinn, Elko, Kísildalur, Computer.is, Opin Kerfi og Macland.