Fréttir og tilkynningar

Neytendastofa hefur tekið ákvarðanir gagnvart Orkunni IS ehf. og Olís ehf. vegna fullyrðinga um kolefnisjöfnun sem birtust í markaðsefni félaganna.

Neytendastofu barst ábending vegna fullyrðinga X20 Lausna ehf., rekstraraðila vefsíðunnar lifsbylgja.is, um virkni Lifewave vara.

Í kjölfar samræmdrar rannsóknar á viðskiptaháttum Temu, hafa neytendayfirvöld í Evrópu (CPC) og framkvæmdastjórn Evrópusambandsins tilkynnt fyrirtækinu að fjöldi viðskiptahátta á vettvangi þess brjóti í bága við neytendaverndarlöggjöf ESB. Því hefur CPC beint því til Temu að laga þessa viðskiptahætti að löggjöf Evrópusambandsins. Mál Temu er enn til rannsóknar og hefur þess verið óskað að fyrirtækið veiti CPC frekari upplýsingar.

Dagana 26 til 28. ágúst sl. hittust fulltrúar neytendayfirvalda frá Danmörku, Færeyjum, Finnlandi, Grænlandi, Íslandi, Svíþjóð og Noregi, til að ræða sameiginlegar áskoranir neytenda og framfylgdarúrræði stofnananna.

Í sumar skoðaði Neytendastofa m.a. ástand verðmerkinga hjá verslunum sem staðsettar eru í Ármúla og nærliggjandi götum. Farið var í 50 verslanir og kannað hvort söluvörur væru verðmerktar. Í fyrri skoðun voru gerðar athugasemdir við verðmerkingar hjá 13 verslunum.

Neytendastofa hefur til skoðunar skilmála unaðsvöruverslana við fjarsölu. Stofnunin hafði áður lokið ákvörðun gagnvart fjórum fyrirtækjum þar sem skilmálar voru ekki í samræmi við lög og hefur nú lokið ákvörðun gagnvart tveimur til viðbótar. Stofnunin sendi upphaflega athugasemdir til 11 fyrirtækja og óskaði skýringa eða athugasemda. Neytendastofa hefur nú lokið ákvörðun gagnvart verslunum Tantra og Tinda með fyrirmælum um að gera úrbætur á skilmálum sínum.

Í skýrslunni er að finna tölfræði afgreiddra stjórnsýslumála ársins auk umfjöllunar um helstu verkefni stofnunarinnar. Þannig er gerð grein fyrir stjórnsýslumálum sem voru fyrirferðamikil á árinu eins og málum tengd umhverfisvernd, auglýsingum á samfélagsmiðlum og upplýsingum við fjarsölu.

Neytendastofa tók ákvörðun um að Santewines SAS hafi veitt neytendum rangar upplýsingar um rétt til að falla frá samningi á vefsíðu sinni www.sante.is

Neytendastofa hefur tekið ákvarðanir gagnvart Bílasölu Guðfinns og verslunarinnar Brá vegna villandi og ófullnægjandi upplýsinga á vefsíðum þeirra. Fyrirtækin gerðu ekki nægar úrbætur á síðunum við athugasemdir Neytendastofu og því tók stofnunin ákvarðanir um að greiða skuli dagsektir.

Neytendastofa hefur tekið ákvörðun í máli Esju Legal, rekstraraðila vefsíðunnar flugbætur.is vegna upplýsingagjafar í skilmálum, viðskiptahátta félagsins og skort á upplýsingum um endanlegt verð.

Neytendastofa hefur haft til skoðunar auglýsingar á nikótínvörum, rafrettum og áfyllingum fyrir rafrettur. Lagði stofnunin sérstaka áherslu á auglýsingar á samfélagsmiðlum, vefsíðum og utan á verslunum. Hefur stofnunin nú birt ákvarðanir gagnvart sex fyrirtækjum um brot gegn auglýsingabanni, þ.e. Djákninn, FVN, Gryfjan, Innflutningur og dreifing, Nicopods og SH Import.

Neytendastofa hefur til skoðunar skilmála unaðsvöruverslana við fjarsölu. Stofnunin hafði áður lokið ákvörðun gagnvart tveimur fyrirtækjum þar sem skilmálar voru ekki í samræmi við lög og hefur nú lokið ákvörðun gagnvart tveimur til viðbótar. Stofnunin sendi upphaflega athugasemdir til 11 fyrirtækja og óskaði skýringa eða athugasemda. Neytendastofa hefur nú lokið ákvörðun gagnvart verslunum Kinky og Scarlet með fyrirmælum um að gera úrbætur á skilmálum sínum. Önnur mál eru enn til meðferðar.

Neytendastofa hefur sektað fjögur fyrirtæki á höfuðborgarsvæðinu fyrir ófullnægjandi verðmerkingar.

Neytendastofu barst ábending vegna fullyrðinga Reykjavík Marketing, rekstraraðila vefsíðunnar healthi.is, um virkni Lifewave vara.

Norræn neytendayfirvöld hafa gefið út sameiginlega fréttatilkynningu vegna umhverfisfullyrðinga í markaðssetningu.

Neytendastofa sektaði verslanir í Kringlunni og Smáralind fyrir skort á verðmerkingum í maí 2023. Þar á meðal var lögð 50.000 kr. sekt á verslun Vodafone í Smáralind.

Í kjölfar samráðs við framkvæmdastjórn Evrópusambandsins og neytendayfirvöld hefur Tinder skuldbundið sig til að upplýsa neytendur um að afslættir sem félagið býður af verði úrvalsþjónustu sinnar séu persónusniðnir með sjálfvirkum hætti. Tinder notar sjálfvirkar aðferðir til að finna notendur sem hafa lítinn eða engan áhuga á úrvalsþjónustunni og býður þeim persónusniðinn afslátt. Það hefur verið metið ósanngjarnt að persónusníða afslætti án þess að upplýsa neytendur sérstaklega um það þar sem það getur komið í veg fyrir að neytendur hafi möguleika á að teka upplýsta ákvörðun.

Neytendastofa hefur lagt 500.000 kr. stjórnvaldssekt á Stjörnugrís hf. fyrir brot gegn ákvörðun stofnunarinnar um bann við að nota þjóðfána Íslendinga á umbúðum matvöru úr innfluttu hráefni.

Neytendastofa vill vekja athygli á fréttatilkynningu frá framkvæmdastjórn Evrópusambandsins um niðurstöður samræmdrar skoðunar á færslum áhrifavalda á samfélagsmiðlum. Verkefnið var unnið í samstarfi neytendayfirvalda í Evrópu og tók Neytendastofa þátt í verkefninu. Markmiðið var að sannreyna hvort áhrifavaldar merki auglýsingar eins og nauðsynlegt er samkvæmt neytendalöggjöf.

Neytendastofa tók ákvörðun um að Svens hafi brotið gegn auglýsingabanni á nikótínvörum með auglýsingum á samfélagsmiðlum og með merkingum á verslunum og bílum félagsins. Svens kærði ákvörðunina til áfrýjunarnefndar neytendamála sem nú hefur staðfest hana.

Neytendastofa hefur til skoðunar skilmála unaðsvöruverslana við fjarsölu. Stofnunin hefur nú lokið ákvörðun gagnvart tveimur fyrirtækjum þar sem skilmálar eru ekki í samræmi við lög. Stofnunin sendi athugasemdir til 11 fyrirtækja og óskaði skýringa eða athugasemda. Neytendastofa hefur lokið ákvörðun gagnvart verslunum Adam og Eva og Losti með fyrirmælum um að gera úrbætur á skilmálum sínum. Önnur mál eru enn til meðferðar.

Neytendastofa hefur tekið ákvörðun um brot Fitness Sport ehf. vegna fullyrðinga félagsins um lyfjavirkni snyrtivara sem innihalda CBD og eru seldar hjá félaginu. Málið laut að fullyrðingum sem birtar voru á vefsíðu félagsins, fitnesssport.is.

Neytendastofa hefur tekið ákvörðun um brot Ozon ehf. vegna fullyrðinga um lyfjavirkni snyrtivara sem innihalda CBD, CBN og CBG og eru seldar hjá félaginu. Málið laut að fullyrðingum sem birtar voru á Facebook síðu félagsins og vefsíðum þess, hempliving.is og gottcbd.is.

Neytendastofu bárust ábendingar vegna skilmála Icelandair um mætingarskyldu viðskiptavina (e. no-show). Af því tilefni óskaði Neytendastofa eftir skýringum og athugasemdum Icelandair um skilmála og upplýsingagjöf félagsins. Í bréfum Neytendastofu kom fram að ósamræmi virtist vera í skilmálum um heimild farþega til að nýta síðari fluglegg ef fyrri flugleggur er ekki nýttur, ásamt því að erfitt hafi verið að finna skilmálana á vefsíðu félagsins. Þá var ekki að sjá að skilmálarnir væru aðgengilegir á íslensku.

Starfsfólk Neytendastofu óskar landsmönnum gleðilegra jóla og farsældar á nýju ári. Afgreiðslutími Neytendastofu er óbreyttur á milli jóla og nýárs.