Fréttir og tilkynningar

Neytendastofa vill benda á innköllun Palmas ehf., rekstraraðila vefverslunarinnar ronjaverslun.is, á vörunni „Bangsagalli“ frá Baby Powder. Hættan felst í því að bönd í hettum eða í hálsmáli geta valdið hættu á kyrkingu. Er varan samansett af hettupeysu og buxum fyrir börn

Neytendastofa hefur fyrirskipað innköllun og bannað sölu- og afhendingu á leikfangaklifurgrind (pikkler) frá Sigurði Valgeirssyni. Við prófun á klifurgrindinni kom í ljós að leikfangið er ekki öruggt fyrir börn vegna hönnunargalla. Leikfangið felur í sér hengingarhættu þar sem börn geta fest höfuðið á milli rimla á klifurgrindinni, auk þess er grindin völt og getur við notkun oltið á hliðina. Leikfangið var ekki CE merkt né með aðrar viðeigandi merkingar eða leiðbeiningar. Þá var ekki hægt að sjá að klifurgrindin hefði verið prófuð til að athuga hvort að leikfangið uppfylli allar öryggiskröfur sem gerðar eru til leikfangaklifurgrinda.

Neytendastofa vill ítreka að það getur verið á markaðnum hættuleg leikföng. Neytendastofa hefur fengið mikið af ábendingum um leikföng sem eru ekki CE merkt og þó nokkuð hefur verið um að innkölluð leikföng hafa verið seld á erlendum vefsíðum eins og ebay og Amazon

Neytendastofa vekur athygli á innköllun á andlitsgrímum sem hafa meðal annars verið seldar í Lyf og heilsu, Apótekaranum og Lyfju. Innflutningsaðili vörunnar hér á landi er S. Gunnbjörnsson ehf. Svo virðist sem maskarnir séu ranglega merktir fyrirtækinu 3M.

Neytendastofa tók þátt í evrópsku samstarfsverkefni á árinu þar sem skoðuð voru um 7500 leikföng sem eru kreist (e. squeeze toys), fingramálning og blöðrur. Markmiðið verkefnisins var að skoða hvort að það væru leikföng til sölu sem innihéldu of hátt hlutfall nítrósamína eða efna sem geta umbreyst í nítrósamínur en slík efni eru talin mjög krabbameinsvaldandi. Þá voru merkingar á umbúðum varanna athugaðar.

Neytendastofu hefur borist tilkynning frá Partýbúðinni um innköllun á gulum „Premium Line – Yellow“ blöðrum frá Amscan. Eftir að Neytendastofa lét prófa blöðrurnar kom í ljós að þær innihéldu of mikið af nítrósamínum sem eru efni sem geta valdið krabbameini komist það í snertingu við húð. Neytendastofa lét kanna fleiri liti frá sama framleiðanda sem voru í lagi. Vörunúmer blaðranna sem um ræðir er. INT995509, og lotunúmerið er 19105.

Neytendastofu hefur borist tilkynning frá Toyota á Íslandi ehf um að innkalla þurfi 149 Toyota Hilux bifreiðar af árgerð 2018-2019. Ástæða innköllunarinnar er að möguleiki er á að bremskukerfi

Neytendastofu hefur borist tilkynning frá Nordic Games ehf. um innköllun á þremur þroskaleikföngum úr tré vegna köfnunarhættu. Tvö þeirra eru frá framleiðandanum JANOD, myndavél og hund sem hægt er að draga áfram í bandi. Smáir hlutir geta losnað af leikföngunum og valdið köfnunarhættu. Einnig er þroskaleikfang frá framleiðandanum Jouratoys innkallað af Sophie gíraffa

Neytendastofa hefur birt nýjar reglur um verðmerkingar og verðsamanburð á orkugjöfum fyrir bifreiðar. Reglurnar koma í stað eldri reglna um verðmerkingar á eldsneyti fyrir bifreiðar auk þess sem þær innleiða tilskipun 2014/94/ESB og reglugerð (ESB) 2018/732 þar sem fjallað er um verðsamanburð og merkingar.

Leikföng eru vinsælar jólagjafir handa börnum enda eru þau hluti af þroskaferli þeirra. Til þess að leikur barna geti orðið hvað ánægjulegastur og öryggi þeirra tryggt er mikilvægt að neytendur hafi í huga að velja leikfang sem hæfir barninu og að það uppfylli þær öryggiskröfur sem til þess eru gerðar. Því vill Neytendastofa benda fólki á að hafa eftirfarandi í huga þegar velja á leikföng:

Neytendastofa vill vekja athygli á að andlitsgrímur eru mismunandi eftir tegundum. Þær sem eru algengastar eru svokallaðar samfélagsgrímur. Andlitsgrímur sem eru búnar til úr textíl eins og bómull eða pólýester eru dæmi um samfélagsgrímur. Slíkar grímur uppfylla ekki kröfur um öryggi til samræmis við CE merktar grímur þó svo að um marglaga grímur sé að ræða.

Námskeið vigtarmanna, almennt grunnnámskeið og endurmenntunarnámskeið, sem frestað hafði verið í október voru haldin í nóvember. Neytendastofa sá til þess að farið var eftir sóttvarnaraðgerðum. Einungis sex af 34 þátttakendum á almenna grunnnámskeiðinu sátu í kennslustofu Neytendastofu í Reykjavík en námskeiðinu síðan streymt á ellefu aðra staði víðsvegar um landið.

Neytendastofa tók ákvörðun gagnvart Íslandsbanka vegna upplýsinga sem fram koma í lánssamningi og stöðluðu eyðublaði. Þar komst stofnunin að þeirri niðurstöðu að brotið væri gegn lögum um neytendalán með ófullnægjandi upplýsingum m.a. um það hvaða þættir geti haft áhrif á vaxtabreytingar.

Neytendastofa bannaði Sýn birtingu fullyrðingar um að Stöð 2 Maraþon væri stærsta áskriftarveita landsins með ákvörðun nr. 57/2019.

Neytendastofu barst kvörtun yfir yfir notkun á auðkenninu NORÐURHÚS á vefsíðunni nordurhus.is og facebook síðunni www.facebook.com/nordurhus. Í kvörtuninni kemur fram að Norðurhús hafi átt skráð og notað firmaheitið frá árinu 1999 . Auðkennið sé ítrekað notað á vefsíðunni nordurhus.is og facebook síðunni án þess að nokkuð komi fram sem aðgreini það frá firmanafni Norðurhús. Notkunin feli í sér rugling eða möguleika á ruglingi þar sem að um orðrétta nýtingu á firmaheitinu sé að ræða.

Neytendastofu hefur borist tilkynning frá Bílaumboðinu Öskju ehf um að innkalla þurfi 40 Mercedes-Benz bifreiðar af tegundunum, C-Class, GLC og EQG. Ástæða innköllunarinnar er að möguleiki er á að möguleiki e rfyrir því að raflögn fyrir rafmagnsstýrið hafi ekki verið framleitt samkvæmt kröfum framleiðanda. Skemmdir í raflögnum geta valdið truflunum á rafmangnsstýrinu.

Neytendastofu hefur borist tilkynning frá Nordic Games um innköllun á leikfanga lúðrinum „Confetti Trumpet“ frá framleiðandanum Juratoys (sjá myndir með frétt). Nordic Games er innflytjandi vörunnar. Umræddur lúður var í sölu hjá Hagkaup, Heimkaup, Margt og Mikið og Bókaverslun Breiðarfjarðar.

Neytendastofu hefur borist tilkynning frá Hyundai á Íslandi um að innkalla þurfi 420 Hyundai Kona EV bifreiðar af árgerð 2018- 2020. Innköllun fellst í ísetningu á nýjum hugbúnaði fyrir háspennurafhlöðu bílsins

Neytendastofa tók þátt í samræmdri skoðun Evrópusambandsins (s.k. sweep) á vefsíðum vefverslana sem selja fatnað, húsgögn eða raftæki. Könnunin snéri m.a. að því hvort fram kæmu með nægilega skýrum hætti upplýsingar um þjónustuveitanda, vörur og þjónustu, verð og samningsskilmála á vefsíðunum.

Neytendastofa birtir hér til umsagnar drög að reglum um verðmerkingar og verðsamanburð á bifreiðaeldsneyti. Í regludrögunum er fjallað um verð og verðsamanburð á mismunandi bifreiðaeldsneyti auk merkinga á áfyllingarlokum og handbókum bifreiða. Reglur þessar innleiða 7. gr. tilskipunar 2014/94/ESB og reglugerð (ESB) 2018/732.

Neytendastofu hefur borist tilkynning frá Bílaumboðinu Öskju ehf um að innkalla þurfi 20 Mercedes-Benz X-Class bifreiðar. Ástæða innköllunarinnar er að möguleiki er á að vökvastýrisleiðsla leki. Viðkomandi bifreiðareigandum verður tilkynnt um innköllunina símleiðis.

Neytendastofu hefur borist tilkynning frá Brimborg ehf um að innkalla þurfi 14 Volkswagen Crafter bifreiðar. Ástæða innköllunarinnar er að möguleiki er á að möguleiki er á því að rúða í afturhurð gæti losnað. Viðkomandi bifreiðareigandum verður tilkynnt um innköllunina bréfleiðis.

Neytendastofu hefur borist tilkynning frá Bílaumboðinu Öskju ehf um að innkalla þurfi 87 Soul EV (PS EV) bifreiðar. Ástæða innköllunarinnar er að uppfæra þarf hugbúnað vegna rafmagnshandbremsu. Viðkomandi bifreiðareigandum verður tilkynnt um innköllunina bréfleiðis.

Neytendastofu hefur borist tilkynning frá Bílaumboðinu Öskju ehf um að innkalla þurfi 24 Merceds-Benz A-Class. Ástæða innköllunarinnar er að möguleiki er á að affallshosa fyrir miðstöðina sé ekki tengd. Viðkomandi bifreiðareigandum verður tilkynnt um innköllunina símleiðis.

Neytendastofa vill benda á innköllun UNICEF á Íslandi á hettupeysum í barnastærð sem settar voru í sölu sem hluti af fjáröflun fyrir starfsemi samtakanna. Hættan felst í því að bönd í hettum eða í hálsmáli geta valdið hættu á kyrkingu. Varðar innköllunin aðeins þær peysur sem eru í barnastærð.