Fréttir og tilkynningar

Allt frá stofnun Neytendastofu hefur mælifræðisvið stofnunarinnar boðið upp á margvíslega þjónustu tengda kvörðunum mælitækja. Vottorð fyrir kvarðanir fylgja kröfum alþjóðlega staðalsins ISO 17025 (Almennar kröfur og hæfni prófunar- og kvörðunarstofa) og allt frá árinu 2005 hefur stofnunin verið faggilt í kvörðun lóða og voga ásamt raf- og glerhitamæla.

Neytendastofu hefur borist tilkynning frá Brimborg ehf um að innkalla þurfi 7 Volvo FH vörubifreiðar af árgerð 2018. Ástæða innköllunarinnar er að möguleiki er á að sjálfvirkar útherslur á bremsudælum virki ekki sem skyldi.

Neytendastofa komst að þeirri niðurstöðu með ákvörðun nr. 19/2019 að Guide to Iceland hefði brotið gegn lögum um eftirlit með viðskiptaháttum og markaðssetningu með fullyrðingum um stöðu fyrirtækisins á markaði.

Neytendastofu hefur borist tilkynning frá BL ehf um að innkalla þurfi 587 Subaru Forrester bifreiðar af árgerð 2015 til 2018 Ástæða innköllunarinnar er að möguleiki er á að skynjarn í farþegasæti virki ekki sem skyldi

Neytendastofu hefur borist tilkynning um að Samkaup hafi hætt sölu tveggja tegunda rafrettna í Krambúðinni, Borgartúni 26. Önnur rafrettan er frá Innokin og heitir Endura T18 og hin heitir Stick V8 Kit frá framleiðandanum Smok.

Neytendastofu hefur borist tilkynning frá BL ehf um að innkalla þurfi 10 Nissan Micra bifreiðar af árgerð 2018. Ástæða innköllunarinnar er að rangar upplýsingar á eru VIN númerum viðkomandi bifreiða. Um er að ræða upplýsingar sem varða þyngd og COC pappíra.

Neytendastofu hefur borist tilkynning um að verslanir Fairvape, Royal Vape Shop og Grand Vape Shop hafi tekið rafrettuvökva úr sölu þar sem þeir geta vakið áhuga og athygli barna.

Neytendastofu hefur borist tilkynning frá BL ehf um að innkalla þurfi 87 Subaru XV bifreiðar af árgerð 2017 til 2019

Neytendastofu hefur borist tilkynning frá Brimborg ehf um að innkalla þurfi 21 Volvo XC40 bifreiðar af árgerð 2018 til 2020

Kvörðunarþjónusta Neytendastofu verður lokuð dagana 6. - 11. nóvember vegna námskeiða sem starfsmenn sækja á þessum dögum. Vinsamlega athugið að þetta á einungis við um kvörðunarþjónustuna, önnur starfsemi stofnunarinnar helst óbreytt á meðan. Vonum við að þetta valdi sem minnstum vandræðum.

Neytendastofu hefur borist tilkynning um innköllun rafrettuvökva sem seldur var í verslunum Fairvape, Royal Vape Shop og Grand Vape Shop. Vökvinn heitir Nasty Ballin og er frá framleiðandanum Nasty Juice. Ástæða innköllunar er sú að það er ekki barnalæsing á loki vökvans. Þar af leiðandi eiga börn auðvelt með að opna vökvann, sem er í litríkum flöskum.

Neytendastofu hefur borist tilkynning frá Barnaloppunni um innköllun á snudduböndum vegna slysahættu. Snudduböndin eru ekki merkt en hafa verið seld í bás 16.

Neytendastofa mun endurupptaka ákvörðun sína nr. 44/2019, Rangar og villandi staðhæfingar í markaðssetningu FEEL ICELAND á vörunni Amino Marine Collagen Powder, í ljósi þess að rangar upplýsingar komu fram í niðurstöðukafla ákvörðunarinnar og í frétt um ákvörðunina. Í ákvörðuninni og í fréttinni kom ranglega fram að sá hluti framleiðslu Feel Iceland sem fari fram erlendis fari fram í Kína.

Neytendastofa tók þá ákvörðun að vaxtaendurskoðunarákvæði fasteignaláns útgefnu af Frjálsa fjárfestingarbankanum væru ófullnægjandi.

Neytendastofa hefur lagt 500.000 kr. stjórnvaldssekt á Skanva ehf. fyrir brot gegn ákvörðun stofnunarinnar. Með fyrri ákvörðuninni var Skanva bannað að veita villandi upplýsingar um verðlækkun.

Neytendastofu hefur borist tilkynning frá Fífu barnavöruverslun um innköllun á leikfangahringlu með uglu frá Smallstuff

Algengt mælitæki sem finna má á flestum verkstæðum og mörgum vinnustöðum eru svokölluð rennimál, en það eru handhæg og nokkuð nákvæm tæki til að mæla lengd. Tvær tegundir slíkra mælitækja eru til, annars vegar með rafeindabúnaði sem auðvelt er að lesa af og hins vegar gamaldags rennimál með kvarða. Eigendur slíkra tækja vita kannski ekki allir að hægt er að fá slík tæki kvörðuð hérlendis, en þegar tæki er kvarðað fær eigandi vottorð sem segir til um skekkju mælitækisins.

Neytendastofu hefur borist tilkynning frá BL ehf. um að innkalla þurfi 587 Subaru Forrester bifreiðar af árgerð 2015 til 2018. Ástæða innköllunarinnar er að skynjari í farþegasæti getur bilað.

Neytendastofu hefur borist tilkynning frá Toyota á Íslandi um að innkalla þurfi 20 Toyota Landcruiser bifreiðar af árgerð 2019 og 5 Toyota Avensis, C-HR og Auris bifreiðar af árgerð 2016-2017.

Neytendastofa gerði athugasemdir við auglýsingu Húsasmiðjunnar, sem birtist í Fréttablaðinu þann 18. júní 2019, þar sem auglýstur var Tax Free afsláttur án þess að tilgreint væri prósentuhlutfall afsláttarins.

Neytendastofa tók til meðferðar mál vegna Tax Free auglýsinga Húsfélagsins Fjarðar og Ellingsen. Í báðum tilvikum var auglýstur Tax Free afsláttur án þess að tilgreint væri prósentuhlutfall afsláttarins. Bæði fyrirtækin sögðust þekkja þær reglur sem giltu en vegna mistaka hefði prósentuhlutfall afsláttarins ekki komið fram í öllum auglýsingum.

Neytendastofu hefur borist tilkynning um innköllun rafrettuvökva sem seldur var í verslun Póló. Vökvinn heitir Nasty Ballin og er frá framleiðandanum Nasty Juice.

Neytendastofa vekur athygli á innköllun IKEA bláum og rauðum MATVRÅ smekkum sem seldir eru 2 í pakka. Samkvæmt tilkynningu IKEA er viðskiptavini sem eiga þessa vöru hvattir til að skila henni til IKEA og fá hana endurgreidda að fullu. Kvittun er ekki skilyrði fyrir endurgreiðslu.

Neytendastofa veitti nú í mánuðnum fyrirtækinu Ferskar kjötvörur ehf. heimild til að e-merkja ákveðnar vörur frá þeim. Um er að ræða nautgripahakk og nokkrar stærðir að hamborgurum. Notkun á e-merki á forpakkaðar vörur er einungis heimil þeim fyrirtækjum sem uppfylla ákvæði reglugerðar nr. 437/2009 um e-merktar forpakkningar.

Neytendastofu barst erindi frá DKH Retail LTD. þar sem kvartað var yfir notkun Arnarlands ehf. á auðkenninu SUPERDRY og öðrum sambærilegum auðkennum.