Fréttir og tilkynningar

Neytendastofa hefur bannað Iceland Excursion Allrahanda ehf. að nota í auglýsingum fullyrðingar um að fyrirtækið bjóði betri ferðir, betra verð og bestu ferðirnar. Þetta er gert þar sem Allrahanda hefur ekki getað fært sönnur á fullyrðingarnar.

Komin er út ársskýrsla markaðseftirlits raffanga fyrir árið 2005. Þar kemur m.a. fram að farið var í 287 heimsóknir til söluaðila raffanga á síðasta ári og 6924 rafföng skimuð.

Neytendastofa hefur lokið vettvangsrannsókn ásamt tæknideild lögreglunnar í Reykjavík á eldsvoða sem varð að Hallgilsstöðum í Fnjóskadal.

Niðurstöður nýlegrar könnunar Neytendastofu sýna að verðmerkingar eru mun lakari nú en þegar síðasta könnun fór fram fyrir einu ári síðan.

Líkur eru á að bilun hafi orðið í rafmagnsbúnaði tengdum vökvadælum sem staðsettar voru á lofti þess hluta frystihússins sem brann.

Á síðasta ári lét Neytendastofa, í samráði við Samorku, SART og Rafiðnaðarsamband Íslands, rannsóknarfyrirtækið IMG Gallup kanna tíðni rafmagnsslysa og óhappa hjá fagmönnum á rafmagnssviði. Sambærilegar kannanir hafa verið gerðar meðal fagmanna á rafmagnssviði á hinum Norðurlöndunum.

Niðurstöður sýna meðal annars að mikill munur er á þjónustugjöldum dæmigerðrar norrænnar fjölskyldu og að hreyfanleiki neytenda á fjármálamarkaði er minni en á öðrum samkeppnismörkuðum.

Áfrýjunarnefnd neytendamála hefur úrskurðað í máli nr. 1/2005, Harðviður ehf. gegn Neytendastofu.

Heimili og skóli, talsmaður neytenda og umboðsmaður barna héldu málþing um auglýsingar og börn 1. mars 2006. Hér má nálgast framlag Neytendastofu á málþinginu.

Nóatún hefur ítrekað birt auglýsingar þar sem fram kemur fullyrðingin „bestir í fiski“ án þess að hafa getað sýnt fram á að fullyrðingin standist.

Evrópusambandið hefur ákveðið að leyfa einungis sölu og markaðssetningu á kveikjurum með barnalæsingu. Bannið tekur formlega gildi eftir sex mánuði og mun Neytendastofa hafa eftirlit með því hér á landi að hér séu einungis til sölu kveikjarar sem uppfylla þessar kröfur Evrópusambandsins.

Hér eru birtar niðurstöður úr verðkönnun Neytendastofu á grænmeti og ávöxtum sem gerð var í sl. viku. Niðurstöður sýna að verð á ávöxtum og grænmeti er nú lægra en það var fyrir ári.

Þann 30. desember sl. var samningur talsmanns neytenda við Neytendastofu undirritaður en lögum samkvæmt hefur talsmaður neytenda aðsetur hjá Neytendastofu. Samkomulagið felur í sér að sett er formleg umgjörð um samstarf embættisins og Neytendastofu.

Frá 1. janúar 2006 verður raforkumarkaðurinn frjáls og geta neytendur keypt rafmagn af þeim sem þeir kjósa. Opnaður hefur verið vefur á þessari síðu með leiðbeiningum til raforkunotenda sem og reiknivél þar sem neytendur geta séð hvar hagkvæmast er að kaupa raforku hverju sinni.

Neytendastofa, í samvinnu við Slökkvilið höfuðborgarsvæðisins, stóð fyrir kynningu á brunahættu af eldavélum í Kringlunni dagana 8.-10. desember s.l.

Um þessar mundir er notkun hverskyns skrautljósa meiri en á öðrum tímum ársins. Notkun sakleysislegra ljósakeðja getur verið hættuleg séu þær ekki meðhöndlaðar á réttan hátt.

Neytendastofa hefur tekið til ákvörðunar kvörtun Harðviðar ehf. yfir skráningu og notkun Sifjar ehf. á léninu hardvidur.is.

Neytendastofa hefur bannað Dreifingu ehf. að birta samanburðarauglýsingu sem og frekari dreifingu Malt-O-Meal morgunkorns

Morgunverðarfundur sem Neytendastofa og Staðlaráð boðuðu til á Nordica Hótel föstudaginn 28. október sl. var vel sóttur af fagmönnum á rafmagnssviði.

Hlutverkaleikurinn, sem ber nafnið Raunveruleikur, hlaut fyrstu verðlaun í samkeppni um námsefni í neytendamálum sem Norræna embættismannanefndin efndi til í tenglum við Norðurlandaráðsþing sem haldið er í Reykjavík þessa dagana.

Neytendastofa og Staðlaráð boða til morgunverðarfundar föstudaginn 28. október nk. á Nordica Hótel. Tilefnið er nýr íslenskur staðall, ÍST 200 Raflagnir bygginga.

Neytendastofa vekur athygli á að Norræna ráðherranefndin í neytendamálum gefur á hverju ári út fjölda skýrslna um neytendamál.

Áfrýjunarnefnd samkeppnismála hefur staðfest ákvörðun samkeppnisráðs um uppgreiðslugjald af neytendalánum.

Nokkuð hefur borið á hættulegum fjöltengjum á markaði í Evrópu undanfarin misseri og því lét rafmagnsöryggissvið Neytendastofu kanna fjöltengjamarkaðinn hér á landi.